القائمة الرئيسية

الصفحات

تفعيل وضع الالعاب في ويندوز 10

طريقة تفعيل Game mode فى ويندوز 10 .. لاداء العاب افضل وتحسين السرعة.
تفعيل وضع الالعاب فى ويندوز 10

- ويندوز 10 بيحتوي على الكثير من المميزات مقارنه بالنسخ السابقة من الويندوز .. احدي المميزات دي هيا وضع الالعاب او Game Mode .. واللى بيكون فيه بعض الخيارات الخاصه بتجربة الالعاب وتحسينها .. وهنشرح ازاي تفعله فى الويندوز 10 الخاص بيك . وكمان هنشرح الخيارت الخاصه بوضع الالعاب زي Game Bar و Captures.

- بس ملحوظه اولاً ان وضع الالعاب دا مش موجود اول ما ويندوز 10 نزل  .. بمعني انو كان نازل فى تحديث للويندوز .. فلو الويندوز بتاعك مش عليه الوضع دا هتحتاج انك تحدث الويندوز بتاعك لانك كدا بتستخدم اصدار قديم من الويندوز.

ايه هوا وضع الالعاب فى الويندوز  ؟ 

ميزة رائعه فى ويندوز 10 بتحسن تجربة الالعاب الخاصه بيك على الويندوز .. بتمكن النظام انو يركز على اللعبه اللى شغاله حالياً علشان الويندوز يديك افضل تجربة وسلالسة وانت بتلعب. بذات فى حالة تعدد المهام على الكمبيوتر.

طريقة تشغيل وضع الالعاب على الويندوز 10 ؟ 

  1. افتح الاعدادات Settings.
  2. اضغط على  Gaming. " اذا كانت غير موجوده حدث الويندوز"
  3. من Game mode اختار on.
  4. اضغط على زر الويندوز +G فى الالعاب لفتح Game Bar.

وهنوضح الطريقه بالصور وهنشرح بعض الخصائص الثانيه زي game Bar و Captures .
صورة للاعدادات .. واختار Gaming.
من الاعدادات اختار Gaming
هتفتحلك نافذه علشان تفعل وضع الالعاب اختار Game Mode واتأكد انو On.
Game mode in windows 10

بالنسبه لخيار Game Bar .. فممكن تفعله On ودا بيديلك خيارات وانت بتلعب زي انك تسجل فيديو لجزء معين من لعبك او تاخد سكرين شوت وانت بتلعب وكل دا باختصارت موضحه .. يعنل علشان تاخد سكرين فى اختصار مثلاً win+G
اللى هوا زر علامة الويندوز+ G.
شرح وخيارات Game Bar windows 10

و الخيار الاخير Captures.
دا ممكن تحدد ملف حفظ الفيديوهات والصور وتحدد كمان الفيديو 30 فريم في الثانية ولا 60 ولو عايز تسجل لعبك كلو فى الخلفية والمده قد ايه.
شرح Game Captures win 10

وكدا نكون شرحنا تفعيل وضع الالعاب والخيارات الخاصه بيه.

تابع المدونه من اليسار للمزيد ♥ 
تابعنا على فيسبوك وتويتر 
دمتم بخير ♥
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي