القائمة الرئيسية

الصفحات

الكمبيوتر يعمل ولكن الشاشة سوداء

الكمبيوتر يعمل ولكن لا الشاشة لا يظهر بها اي شىء ؟ .. لا يوجد اي بيانات على الشاشة والجهاز شغال وشعار الويندوز لايظهر.

-مشكلة ظهور شاشة سوداء بعد الضغط على زر الباور وتشغيل الكمبيوتر مشكلة شائعه ممكن تواجهك مع الكمبيوتر الخاص بك .. فعند فتح الكمبيوتر يبدأ الكمبيوتر والمراوح تشتغل وتسمع صوت الكمبيوتر يعمل ولكن الشاشة لا تستجيب .. يعني الكمبيوتر شغال ولكن الويندوز لا يبدأ و الشاشة بتفضل سوداء كدا.

فى اسباب كثير ممكن تكون ورا المشكلة دي للكمبيوتر الخاص بيك .. وعلشان كدا هنقسم المقالة لاكثر من  حل عن طريق خطوات تقدر تنفذ اللى يناسبك منهم .. هنذكر اول الحلول للشاشة السوداء عند فتح الكمبيوتر اجمالاً وبعدين هنشرح كل حل بالتفصيل.

حل مشكلة الكمبيوتر يعمل ولكن الشاشة سوداء.

  1. تاكد ان الشاشة تعمل ولا يوجد بها اي مشكلة.
  2. تأكد ان الكمبيوتر يعمل ولا يوجد به مشكلة.
  3. التأكد من الباور سبلاي والكهرباء.
  4. تنظيف الرام من داخل الكيسه.
  5. التأكد من كابل كارت الشاشة.

-هل الشاشة تعمل ولا يوجد بها اي مشكلة ؟

عند ظهور شاشة سوداء على الكمبيوتر الخاص بك بعد ضغط زر الباور للكيسه .. لازم تتاكد ان الشاشة نفسها مفيش فيها اي مشاكل عن طريق عمل اختبار للشاشة.. تقدر تعرف ان الشاشة مفهاش مشاكل لو زر الباور الخاص بالشاشة منور .. يبقا الشاشة واصل ليها كهربا وشغاله .. ثانياً جرب تشيل كابل الداتا المتوصل فى الكيسه للشاشة وشوف هل الشاشة هتظهر ليك اشعار لا يوجد اشارة No signal .. 
وعلشان تعرف اكثر عن موضوع اختبار الشاشة تقدر تراجع المقالة التالية " فحص الشاشة والتأكد انها تعمل".


- هل الكمبيوتر يعمل بدون اي مشاكل ؟

يجب التأكد ان الكمبيوتر يعمل بصورة صحيحه فممكن مثلا يكون الكمبيوتر فى وضع Sleep او Stand By .. والضع دا بيكون الكمبيوتر فيه الشاشة سوداء والكمبيوتر فى حالة توقف مؤقت لحد ما تضغط على زر الباور بيشتغل .

اذا كان الكمبيوتر الخاص بك مغلق وتحاول تشغيله فتأكد ان الكمبيوتر يعمل مثلاً انت سامع صوت المراوح و لو فى اضاءاة فى الكمبيوتر نورت وكدا .. لان ممكن يكون عندك مشكلة فى الكهرباء اللى داخله للكمبيوتر ودا اللى هنكلم عليه فى النقطه التالية.

-التأكد من الباور سبلاي للكمبيوتر.

الباور سبلاي دا عبارة عن مكون كدا فى ظهر الكمبيوتر الخاص بك يشبه الصندوق كدا ومليان اسلاك ومروحه .. بيكون متركب فيه كابل الباور الخاص بالكمبيوتر بتاعك المتوصل بالكهرباء مباشرة.


فى احتمال ان الكمبيوتر الخاص بك يكون واصل ليه فولت او كهربا اقل من الكافيه لتشغيله .. ودا بيأدي الى ان الكمبيوتر مش بيقدر يشتغل بصورة كاملة او بمعني اصح مش بيشتغل اصلاً .. وعلشان تتأكد ان الباور سبلاي بتاعك تمام بمجرد ما تشوف ان الكمبيوتر بتاعك شغال والمراوح شغاله يبقا المشكلة مش فى الكهرباء او الباور سبلاي الخاص بيك.

لو عندك مشكلة والكمبيوتر مش بيشتغل خالص .. بيكون الحل انك توديه الصيانه علشان المشكلة لو فى الباور سبلاي بيتغيره ويتركبلك واحد جديد فى وقت قصير.

-تنظيف الرام جيداً لحل مشكلة الشاشة سوداء.

احد الحلول اللى فعلاً بتنجح فى حل المشكلة دي هيا اخراج الرام ومسحها واعاده تركيبها مرة آخري وتشغيل الكمبيوتر ..ازاي تعمل كدا ؟ 
هتفتح الغطاء الخاص بالكيسه بتاعتك وتروح على المنطقه اللى متركب فيها الرام .. وبتكون ظاهره فى اللوحه الام زى الصورة التالية.

بتضغط على المفتاح اللى باللون الابيض دا من الجانبين وتفك الرام من مكانها .. وممكن تشوف اي حد على اليوتيوب لو مجربتش تفك الرام قبل كدا او تودي الكمبيوتر الصيانه.

بيتم تنظيف الرام بسائل خاص بالتنضيف ويتم تنظيف بيت الرام بفرشاة التنظيف .. اعد تركيب الرام مرة آخري والان جرب تشغيل الكمبيوتر.

-التأكد من كابل كارت الشاشة.

بعد نقطه الرام فالنقطه دي مهمة جداً برضوا وبتحل المشكلة فى اوقات كثير .. الكابل الخاص بنقل البيانات من الكمبيوتر الى الشاشة قد تكون المشكلة فيه او قد تكون المشكلة فى كارت الشاشة نفسه .. 
جرب تفك الكابل  وتنظفه وتركبه مرة آخري وتشوف اي النتيجه .. لو عملت كل الخطوات السابقة ومفيس اي استجابه فالافضل انك تودي الكمبيوتر الخاص بيك للصيانه.

فى حالة حل المشكلة بازالة وتركيب الكابل الخاص بنقل معلومات الشاشة .. وبعد فتره قليلة تكررت المشكلة وتم حلها بنفس الطريقه يفضل تغيير الكابل بآخر جديد واختر كابل بصناعه وجوده عالية.

في النهاية دي جميع الحلول المتوفرة لحل مشكلة الشاشة السوداء اللى بتظهر ليك عند فتح الكمبيوتر.
تابع هنا للمزيد.

تابعنا على فيسبوك وتويتر 
دمتم بخير ♥ .
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي