عدم ظهور الموبايل على الكمبيوتر - الحل النهائي

حل مشكلة الكمبيوتر لا يتعرف على الهاتف وعند توصيله بالUSB يشحن فقط ..
الكمبيوتر واللاب لا يتعرف على الهاتف

مشكلة بتواجه كثير من مستخدمين الموبايلات وهيا عدم تعرف الكمبيوتر على الموبايل عند توصيله بالكابل .. سواء كان موبايلك هواوي او شاومي او اوبو او سامسونج  المشكلة دي بتحصل فى هواتف الاندوريد عموماً واسبابها كثير .. بعد توصيلك للموبايل بيبدأ الموبايل يشحن فقط بدون اي ظهور على الكمبيوتر .. وبالتالي مش بتقدر تنقل او تستقبل اي ملفات من اللاب الخاص بك.

 

ممكن يكون سبب عدم تعرف وظهور موبايلك على الكمبيوتر من التعريفات الخاصه بالموبايل .. فبعض الهواتف مثل هواتف سامسونج بيحصل فيها المشكله دي كثير وبتحتاج تنزل برنامج  Samsung Kies .. وايضا ممكن تكون مشكلة كابل وكل الحلول المقترحه هيتم ذكرها وتقدر تجربها... هنقول الحلول اجمالاً ثم شرح كل حل بالتفصيل.

 

حل مشكلة عدم تعرف الكمبيوتر على الموبايل.

اذا كان هاتفك لا يظهر على الكمبيوتر فجرب الحلول التالية.

  • ازالة التعريفات واعاده تثبيتها.
  • تغيير الكابل واستخدام كابل USB جيد.
  • تغيير اعدادات التوصيل بالكمبيوتر من الموبايل.

ازالة تعريفات الهاتف و اعاده تثبيتها

احد اسباب عدم ظهور موبايلك عند توصيله بالكمبيوتر ممكن تكون التعريفات الخاصه بالموبايل اذا كان هاتفك سامسونج جرب تنزل وتثبت برنامج سامسونج كيز... اذا كان موبايلك هواوي ,  شاومي , اوبو , ريلمي , انفينكس او اي موبايل اندوريد آخر ممكن تتبع الخطوات التالية.

  • بعد توصيل موبايلك بالكمبيوتر افتح Device Manager .
  • عن طريق الضغط على زر علامة الويندوز+R  سوياً هتفتح نافذه Run
  • اكتب داخل النافذه devmgmt.msc
حل مشكلة عدم ظهور الموبايل على الكمبيوتر
  • الان بعد ما نافذه device Manager تفتح  اذهب الى  Portable Device ..
  • هتلاقي الموبايل الخاص بيك اعمل ازالة التعريفات Unistall ثم شيل الكابل الخاص بالتوصيل وركبه مرة آخري مع التأكد من وجود انترنت لتحميل التعريف تلقائياً.
ازالة تعريفات الهاتف من الكمبيوتر واعاده تثبيتها

الخيار الثاني ممكن تجربه وهوا تحديث التعريفات .. واختار التحديث تلقائياً والويندوز هيقوم بالبحث عن آخر تحديث متاح للتعريف عن طريق الانترنت.

 

ممكن تجرب الطريقة الاولي وهي الغاء التعريفات ثم الغاء توصيل الموبايل بالكمبيوتر واعاده توصيله وهيقوم النت بتعريف الموبايل من اول .. ثم ممكن تجرب بعد كدا الحل الثاني الخاص بتحديث التعريفات الخاصه بموبايلك على الويندوز.

 

تأكد ايضاً من ان جميع القطع الخاصه بالكمبيوتر متعرفه ومفيش اي مداخل او اي تعريفات ناقصه على الكمبيوتر لان دا ممكن يسبب مشكلة .. وتقدر تعرف من خلال نفس النافذه لو فى اي تعريف ناقس فى الكمبيوتر هيظهرلك علامة تعجب جنب الاسم او علامة استفهام.

 

اذا كان موجود كدا جنب اي تعريفات تقدر تنزل التعريف الخاص بالجزء دا بواسطة طريقتين الاولي يدوية .. اكتب اسم التعريف الناقص فى جوجل وحمله وثبته بنفسك ودي الطريقه المفصله واحسن من الطريقه الثانية وهيا  .. استخدام برنامج تعريفات اونلاين بمعني برنامج هتنزله على الكمبيوتر وبمجرد تشغيله هيبحث عن كل التعريفات الناقصه على الكمبيوتر الخاص بك وهيتم تحميلها .. ولكن المشكله ان البرنامج ممكن ينزلك تطبيقات وحاجات انت مش محتاجها.

 

تغيير الكابل و استخدام كابل USB آخر.

المشكلة فى عدم ظهور هاتفك على كمبيوتر فى اوقات كثير بتكون من الكابل اللى بتستخدمه .. في بعض الكابلات اللى بتكون صالحه للشحن فقط ولكنها مش بتتعرف على الكمبيوتر نهائي والموبايل الخاص بك لن يظهر على الكمبيوتر ولكن بمجرد التوصيل هيبدأ يشحن فقط .. جرب استخدام اي كابل آخر موجود فى البيت عندك وتأكد من الكابل باستخدامه على كمبيوتر آخر.

 

وتذكر ان الكابلات الموجوده فى السوق في نوع منها خاص بشحن الهواتف فقط ولكن لن يقدر على نقل اي ملفات .. فاذا كنت اشتريت كابل من قريب وهو الكابل اللى بتستخدمه حالياً .. فجرب استخدام كابل آخرخاص باي موبايل آخر متاح .

 

تغيير اعدادات التوصيل بالكمبيوتر من الموبايل.

عند توصيل الكابل بالكمبيوتر هيظهر اعدادات على الموبايل لا بد انك تختار منها نقل البيانات علشان موبايلك يظهر بشكل صحيح .. فممكن يكون الاعدادات تم اختيارها على الشحن فقط .. بعد توصيل الموبايل بالكمبيوتر اذا لم يظهر لك الاعدادات الخاصه بالتوصيل .

التأكد من اعدادات توصيل الموبايل بالكمبيوتر وانها ليست شحن فقط.

اذهب الى الاعدادات >> التخزين >> اعدادات USB .. او استخدم البحث الخاص بالاعدادات واكتب التوصيل او USB واختار نقل البيانات .. والان لاحظ على الكمبيوتر اتعرف على الموبايل ام لا.

 

 

لاحظ ايضاً ان يكون موبايلك مفتوح فى حالة اغلاقه بنمط او كلمة مرور فبمجرد توصيله بالكمبيوتر .. ممكن تكون مختار اعدادات التوصيل نقل البيانات ولكن الكبيموتر لن يتعرف على الهاتف الا بعد فتح شاشة القفل.

 

  تابع قسم أندرويد للاطلاع على المزيد من المقالات.

تابعنا على فيسبوك وتويتر 
دمتم بخير♥.
تعليقات
4 تعليقات
إرسال تعليق
  • aswang
    aswang 31 ديسمبر 2020 في 4:21 ص

    التعريف صحيح وكل شيء معرف ولا يتصل مع اعطاء مسج على الهاتف the connected device is unable to access data on this device reconnect the USB cable and try again

    إرسال ردحذف
    • MO3Az
      MO3Az 1 يناير 2021 في 3:14 م

      اهلاً بك عزيزي, جرب تغيير الكابل الي تستخدمه الى كابل آخر وشكرا لك

      حذف
    • Hamdi Khalid
      Hamdi Khalid 10 فبراير 2022 في 4:11 م

      ماسبب عدم اضهار ملفات الهاتف عند توصيل usb بالتلفاز؟

      إرسال ردحذف
      • MO3Az
        MO3Az 11 فبراير 2022 في 12:32 ص

        اهلاً ، لا تدعم جميع الشاشات مثل هذه الميزة ، بعض الشاشات تقوم باظهار الصور فقط وهكذا ..

        حذف



      وضع القراءة :
      حجم الخط
      +
      16
      -
      تباعد السطور
      +
      2
      -