-ويندوز 10 حالياً يعتبر اكثر نظام تشغيل متواجد على الاجهزة سواء كمبيوتر او لاب توب .. ويندوز بتزود مستخدمينها بمميزات كثيرة و من ضمنها متجر الويندوز Windows Store.. اللى بتقدر تلاقي عليه تطبيقات مفيده جداً وبتساعدك .. وكمان موجود وبينزل عليه بعض الالعاب دا غير تطبيقات التواصل اللى ممكن تحملها من متجر الويندوز زي فيسبوك وماسنجر وواتساب.
ولكن مؤخراً كثير من المستخدمين بيحصل معاهم مشكلة فى متجر الويندوز .. المتجر مش شغال او بيحصل فيه عطل .. او المتجر مش بيحمل كويس .. هنحاول في المقالة دي نتكلم عن سبب تعطل وتوقف ومشاكل متجر الويندوز 10 وبنسبه قليلة 8 ..
طرق حل مشكلة تعطل متجر الويندوز 10,8 ؟
- تعديل التاريخ والوقت.
- مسح الذاكرة المؤقته او ملفات الكاش.
- التسجيل مرة آخري فى المتجر.
- تعديل حسابك كمالك Owner.
- تغيير عنوان Dns .
دي بعض الطرق اللى هنعملهم عشان نحاول نحل مشكلة توقف المتجر فى الويندوز ونبدا خطوة خطوة.
1-تعديل الوقت والتاريخ - متجر ويندوز لا يعمل.
استخدامك الكمبيوتر بتاريخ و وقت خطأ هيسببلك صداع من المشاكل عند اتصالك باي حاجه شغاله بالانترنت .. فلازم تاخد بالك من النقطه دي جداً ومتغلطش مثلاً فى السنه او صيغه الوقت نفسه .. وعشان تعدل التاريخ والوقت فى ويندوز 10 وتتأكد منهم .. افتح الاعدادات او اكتب في مربع البحث Date and time .
2-مسح ملفات الكاش - مشكلة متجر ويندوز 10.
ممكن يكون سبب مشكلة المتجر بعض الملفات المؤقته وبمسحها وتنظيف الملفات دي يتم حل المشكله .. وعشان تمسح ملفات الكاش الخاصه بالمتجر اكتب فى البحث “WSReset.exe” واختار تشغيله كمسئول...
3-اعاده التسجيل - متجر الويندوز لا يفتح.
جرب اعاده التسجيل فى المتجر ودا ممكن يحل المشكله .. وعشان تقدر تعيد التسجيل فى المتجر .. افتح CMD
عن طريق RUN وعشان تفتح نافذه Run اضغط على زر علامة الويندوز + R في وقت واحد .. واكتب بداخل النافذه CMD ..
ثم اكتب الامر التالي:
PowerShell -ExecutionPolicy Unrestricted -Command "&
{$manifest = (Get-AppxPackage Microsoft.WindowsStore).InstallLocation +
'\AppxManifest.xml' ; Add-AppxPackage -DisableDevelopmentMode -Register
$manifest}"
4- تعيين حسابك كمالك - متجر ويندوز متوقف.
ممكن مشكلة المتجر وتوقفه وتعطله ان حسابك ليس كمالك وعشان تعدل وتحل المشكله دي باعطاء كل التصاريح للمتجر وتقدر تبحث عن الطريقة علي اليوتيوب بالتفصيل ..
5- تغيير عنوان Dns للكمبيوتر.
فى كثير من الاحيان بيحصل مشكلة فى المتجر وبيظهر خطأ 0x80131500’ .. وبيتم حل المشكلة عن طريق تغيير عنوان Dns .. وتم شرح طريقة تغيير عنوان الدي ان اي للكمبيوتر بالتفصيل فى مقالة سابقة.
